Պտղի Բուժման Հեռախոս` (323) 361-7042 or (800) 687-2229
Պտղի Բուժման Կայք` www.maternal-fetalhealth.com

Սանհիի Պատմությունը – Զույգը-Զույգին Փոխներարկման Սինդրոմ

Արդեն 8 տարի է մենք ամուսնացել ենք: Հակառակ որ երկուսիս քննությունների արդյունքները բնականոն էին, այնուամենայնիվ, մենք երկար տարիներ չէինք կարողանում հասկանալ, թե ինչու չեմ հղիանում: Մի օր մենք անակնկալ իմացանք, որ ես հղի եմ: Մենք գնացինք առաջին ուլտրասաունդին եւ իմացանք, որ լսվում էր երկու սրտի բաբախյուն: Մենք երկուսով երջանկության արցունքների մեջ էինք, որովհետեւ Աստված մեզ մեծապես օրհնել էր:

Հենց սկզբից այնքան էլ հեշտ հղություն չէր, եւ ոչ մի բան մեզ չէր նախապատրաստել այն բանին, ինչ 18 շաբաթ հետո մենք լսեցինք բժշկից: Մեր երեխաներից մեկի սիրտը մեծացել էր, եւ նա հեղուկի կուտակումներ ուներ մարմնի մեջ: Ինձ ուղարկեցին մի մասնագետի եւ նա ասաց, որ ես ունեմ Զույգը-Զույգին Փոխներարկման Սինդրոմ: Լուրը ջախջախեց մեզ, քանի որ նման պարագաներում պտղի ապրելու հավանականությունը շատ քիչ էր: Իսկ բուժման տարբերակը շատ էլ խոստմնալից չէր թվում: Բայց բժիշկը մեզ ասաց, որ հիվանդությունը բուժելու համար լավագույն տարբերակը կլիներ Լոս Անջելըսում տեսնել հատուկ  ճառագայթային վիրահատության մասնագետ մի վիրաբույժի: Մենք շատ հոռետես էինք, քանի դա համարյա նոր միջոց էր. բայց որոշեցինք հետեւել մեր բժշկի խորհրդին:

Մենք գնացինք բժ. Շմեյթի հետ նախնական խորհրդակցության եւ ջերմորեն ընդունվեցինք: Բժ. Շմեյթն ու իր անձնակազմը պատասխանեցին մեր բոլոր հարցերին եւ մեզ հույս ներշնչեցին: Նրա կարեկցությունն ու նվիրումը մեր ակնկալիքներից ավելին էին: Մենք գնահատեցինք նրա ազնվությունը եւ ամբողջական վստահություն ունեցանք գնալու վիրահատության: Վիրահատության օրը լարվածությունը մեծ էր, բայց բժ. Շմեյթն ու համակարգող հիվանդապահը մեզ համար ապահովեցին շատ անհրաժեշտ հանգիստն ու օժանդակությունը: Վիրահատությունը հաջող էր, եւ երկվորյակները անմիջապես հակազդեցին վիրահատությանը` աճելով համաչափ, առողջ ընթացքով: Ուղղակի հրաշք էր: Այդ դժվարին ժամանակներից հետո ես անդրադարձա նույն կացության մեջ գտնվող բազմաթիվ զույգերի գոյության: Փառք տանք Աստծուն այս իրավիճակի մեջ նոր հույս տալու համար:

Էլիսիա եւ Էլիանա Սանհիները ծնվեցին երեքշաբթի, հոկտեմբերի 24-ին, 2006թ. երեկոյան ժամը 4:19-ին: Էլիսիան կշռում էր 5 փաունդ, Էլիանան` 3 օնս թեթեւ` 4 փաունդ 13 օնս: Երկուսն էլ տանն են հիմա, շատ լավ սնվում եւ քնում են: Միայն այն, որ այս երկու հրեշտակները ողջ են, Աստծու վկայությունն է եւ կյանք փրկելու բժ. Շմեյթի կիրառած միջոցը:

Սանհի ամուսիններ