Եղեք Smart, Եղեք Մասնակից…

Գործոն Մասնակցություն Բերեք Ձեր Առողջապահական Խնամքին:

Բժիշկները, հիվանդապահները, տեխնիկները, ադմինիստրատորները միակ մարդիկ չեն, որոնք ակտիվորեն ներգրավված են ձեր ապահով խնամքի գործում: Դուք, որպես հիվանդ, կենսական դեր եք խաղում  ապահով ու երաշխավորված խնամք ստանալու մեջ` դառնալով ձեր առողջապահական խնամքի թիմի գործոն, ներգրավված եւ տեղեկացված անդամը:

• Արտահայտվեք, եթե ձեր առողջապահության վերաբերյալ հարցեր ունեք:
• Որեւէ բան չեք հասկանում ձեր առողջության կամ բուժման վերաբերյալ ձեզ ասվածից: Մի վախեցեք ձեր բժշկից, հիվանդապահից կամ առողջապահական խնամքի մասնագետից բացատրություն պահանջելու եւ նորից ՀԱՐՑՐԵՔ, մինչեւ բավարարված զգաք:
• Դուք մտահոգություններ ունեք ձեր առողջապահութեան վերաբերյալ: Մի վախեցեք ձեր առողջապահական խնամք մատակարարողից հարցնելու ձեր դեղորայքի մասին (այսինքն, իմացեք հակացուցումները, ձեր ընդունած դեղորայքի փոխարինողները եւ այլն): 

Վստահ Եղեք.

• որ դուք ստացել եք ձեր ախտորոշմանը համապատասխան բուժում: Մի վարանեք ձեր ստացած որեւէ բուժման վերաբերյալ բացատրություն պահանջելու:
• որ գիտեք, թե ի՞նչ դեղեր են նշանակված ձեր համար եւ թե ինչի՞ համար են դրանք:
• որ ձեր առողջապահական խնամքի մասնագետները ձեզ հետ վերաբերվում են քաղաքավարի եւ հարգանքով: Ձեզ առողջապահական խնամք մատակարարողները պետք է ծանոթացնեն իրենց, երբ մտնեն հիվանդասենյակ եւ պետք է միշտ ունենան անձը հաստատող կրծքանշան:
• որ ձեր խնամատարը հաստատի ձեր անձը` ստուգելով ձեր դաստակի երիզը` ձեր անունն ու ծննդյան ամսաթիվը իմանալու համար, նախքան դեղորայք կամ բուժում տալը: 

Շարժվեք Հանուն Ձեր Օգտի`

• իմանալով ձեր ախտորոշման, ձեր անցած բժշկական քննությունների, ձեր ստացած դեղորայքի, ձեր բուժման ծրագրի եւ ձեր բուժման համար անհրաժեշտ սարքավորումների մասին: Լավ սկզբնաղբյուրներ են ձեր բժիշկը, ձեր գրադարանը, հավաստի կայքերը եւ օժանդակ խմբերը:
• գրի առնելով ձեր բժշկի ասած կարեւոր փաստերը, այնպես, որ հետագայում դուք կարողանաք հետեւել կամ լրացուցիչ տեղեկություն ստանալ: Եթե դուք վստահ չեք ձեր հիվանդության բնույթի կամ բուժման լավագույն տարբերակի վերաբերյալ, ապա խորհրդակցեք այլ մասնագետների հետ եւս: Որքան շատ տեղեկություն ունենաք ձեր ընտրությունների մասին, այդքան ավելի ինքնավստահ կլինեք ձեր կայացրած որոշման համար: 
• հարցնելով ձեզ բուժող բժշկի մասնագիտական պատրաստվածության եւ փորձի մասին, որ որակավորում է նրան բուժելու ձեզ:
• ուշադրություն դարձնելով, թե ձեզ խնամողը ձեռքերը լվացել է: Ձեռք լվալը վարակի տարածումը կանխելու ամենակարեւոր միջոցն է: Մի վախեցեք բժշկին, հիվանդապահին կամ այցելուին նրբանկատորեն հիշեցնել, որ լվանա ձեռքերը:
• կարդալով բոլոր բժշկական ձեւերը եւ վստահ լինելով, որ դուք ամեն ինչ հասկացել եք նախքան որեւէ բան ստորագրելը: Եթե դուք չեք հասկացել, եթե հարցեր կամ մտահոգություններ ունեք, հարցրեք ձեր բժշկին, որ լրացուցիչ բացատրի: 

Ձեր վիճակի մեջ նկատվող որեւէ փոփոխության մասին տեղեկացրեք ձեզ խնամողին:

• Ձեզ խնամողներին ամբողջապես եւ անկեղծորեն հայտնեք ձեր հիվանդության պատմության, ախտանշանների, բողոքների, մտահոգությունների, ցավերի կամ այլ օգտակար տեղեկության մասին:
• Նախորդ հիվանդանոցում պառկելուց մնացած կարեւոր տեղեկությունների պատճեններ պահեք ձեզ մոտ եւ տրամադրեք դրանք ձեր բժշկին: Սա կներկայացնի ձեր առողջապահության ավելի ամբողջական պատկերը:
• Դուք եւ ձեր բժիշկը պետք է համաձայն լինեք, թե ի՞նչ պետք է արվի ձեր խնամքի յուրաքանչյուր քայլին:
• Իմացեք, թե ի՞նչ բուժում պիտի ստանաք, ի՞նչ ակնկալել բուժումից եւ թե որքա՞ն ժամանակ կտեւի այն:
• Լսեք ձեզ առողջապահական խնամք մատուցողներին: Հասկացեք, որ լրացուցիչ քննությունները, դեղորայքը եւ բուժումը միշտ չէ, որ լավ են:

Ձեր բժշկին եւ առողջապահական խնամքի անձնակազմին ասեք, թե որո՞նք են  առողջապահական խնամքի ձեր ընտրությունները:

• Մասնակցեք ձեր բուժման վերաբերյալ բոլոր որոշումներին կամ ընտանիքի վստահելի անդամից կամ ընկերոջից խնդրեք, որ լինեն ձեր ներկայացուցիչը:
• Նախապատրաստեք առողջապահական խնամքի վերաբերյալ Նախնական Դիրեկտիվ կամ իրավական ուժ ներկայացնող մի այլ Նախնական Դիրեկտիվ, այնպես, որ կարողանաք ձեր որոշումները կայացնելու ձեր իրավունքը բանեցնել, նույնիսկ այն ժամանակ, երբ ի վիճակի չեք լինի արտահայտել ձեր ասելիքը: Ձեր շահերի պաշտպանը կարող է ձեզ օգնել տեղյակ լինելու, առաջ քաշելով հարցեր, որոնց մասին դուք պիտի չմտածեք որպես հիվանդ: Ձեր շահերի պաշտպանը կարող է ձեզ հիշեցնել հարցերի պատասխանների մասին, որոնք դուք հարցրած կլինեք ձեր բժշկին: Նա կարող է ձեզ օգնել կազմակերպելու ձեր ստանալիք խնամքի տեսակը, երբ դուք գնաք տուն եւ իմանաք, թե ի՞նչ փնտրել, երբ ձեր վիճակը փոխվի եւ դուք օգնության պահանջ ունենաք: 
• Ձեր շահերի պաշտպանի հետ վերանայեք բուժումին ձեր համամիտ լինելը, վստահ լինելու համար, թե ի՞նչ բանի եք համամիտ:
• Վստահ եղեք, թե ձեր շահերի պաշտպանը հասկանում է խնամքի եւ վերակենդանացման ու կյանքի պաշտպանության մասին ձեր նախապատվությունները: Եթե դուք չեք կարող ձեր որոշումները կայացնել, ձեր շահերի պաշտպանը լավապես պատրաստ կլինի խոսելու ձեր փոխարեն:

Հոլիվուդի Փրեսբիթերյան Բժշկական Կենտրոնը հանձնառու է տալու որակյալ խնամք` կարեկցանքով եւ հարգանքով:

Օգնեք մեզ եւ մենք կօգնենք ձեզ լինել S-M-A-R-T եւ մասնակից: