|
Ֆինանսական Ծառայությունների Հեռախոս`
(213) 413-3000, ներքին գիծ` 6248 կամ 4950 Ֆինանսական Ծառայությունների Ժամեր`
երկուշաբթի-ուրբաթ օրերին, առավոտյան ժամը 9-ից երեկոյան ժամը 5:00 Հոլիվուդի Փրեսբիթերյան Բժշկական Կենտրոնն ընդունում է բազմազան ապահովագրական ծրագրեր: Մեր ֆինանսական խորհրդատուներն այստեղ են` օգնելու ձեզ ձեր ֆինանսական դասավորումներն անելու, հիմնվելով ձեր ունեցած ապահովագրության վրա: Ճշտելու համար տրված ծառայությունների դիմաց ձեր ֆինանսական պարտավորությունը ձեր ունեցած ապահովագրությամբ, խնդրվում է զանգահարել` (213) 413-3000 համարով, ներքին գիծ` 6248 կամ 4950, երկուշաբթի-ուրբաթ օրերին, առավոտյան ժամը 9-ից երեկոյան ժամը 5: Ապահովագրական Օգուտներ Նախքան ընտրության գործընթացի սկսելու եւ թույլատվություն ստանալու նպատակով հիվանդանոց մտնելը, խնդրվում է վերանայել ձեր ապահովագրական օգուտների պայմանները: Վստահանալու համար, որ հաշվեգրությունը ներկայացված է ինչպես հարկն է, կարեւոր է, որ յուրաքանչյուր անգամ հիվանդանոց այցելելիս ձեզ հետ բերեք ձեր ապահովագրության եւ անձը հաստատող վավերական քարտերը: Ֆինանսական Խորհրդատվություն Եթե դուք հարցեր ունեք ձեր ապահովագրության չափի վերաբերյալ, կամ, եթե ֆինանսական դասավորումների համար օգնության կարիք ունեք, հիվանդանոցը ձեզ հետ աշխատելու պատրաստ ֆինանսական խորհրդատուներ ունի: Ֆինանսական խորհրդատուի հետ խոսելու համար խնդրվում է զանգահարել վերեւում նշված Ֆինանսական ծառայությունների հեռախոսահամարով: Հաշվեգրեր Բժիշկների եւ հիվանդանոցի հաշվեգրերը անջատ են: Հիվանդանոցի հաշվեգրերը ներկայացվում են Հոլիվուդի Փրեսբիթերյան Բժշկական Կենտրոնում ձեր ստացած ծառայությունների հիման վրա: Հիվանդանոցում ձեր կեցության ընթացքում յուրաքանչյուր բժիշկ, որը մասնագիտական ծառայություններ է մատուցել, առանձին հաշվեգիր կուղարկի ձեզ: Սա վերաբերվում է մասնագետներին, որոնք այցելել են ձեզ հիվանդանոցում կամ ծառայություններ են մատուցել շտապ օգնության սենյակում, ինչպես նաեւ անեստեզիստները, պաթոլոգները եւ ռադիոլոգները:
|
Փնտրել
